………………

安居樂業
或
保家衛國
之
謊話連篇

文︰扮好奇

讀到內地的博客，對重慶「史上最牛釘子戶」的報導，總讓我一邊快慰，一邊不齒。「釘子戶」的講法，來自官方，人民日報都有講。同香港叫人做「釘戶」差唔多，即有人住在重建的地皮上，點賠都唔肯走。

之所以話，咁多廣告商撐住d傳媒vs世界的博客文化，又或者應叫做「民間報導」的文化下才有齣齣新鮮的發展。對於一個發生在重慶的收樓故事，仲搏得香港報章都要隔空伸佢一腳，就知傳媒可以有幾無恥…

眾所周知的報章說法裡，香港人對一般重建 issue 都同情極有限，好似政府要重建一個地方d人就有錯咁，因為「重建戶不過恨錢，嫌賠唔足」，甚至十年前就「買落」等炒樓、等重建，總之就落釘等升值。

唔通政府同發展商，就係覺得個城市俾ｄ窮人住到污糟ｘｘ？有人俾晒錢想發展？有錢收都唔肯走，要人出動「土到收回條例」大告特告先趕得走係正瘟神？唔通個世界真係有錢大晒有人出得起幾十億起新樓所有野就要讓路？香港地少人多所以起幾多樓都住唔晒？地皮係社會資本所以要發展窮人就要彈開等發展商將公共資本私有？咁真係多謝報紙話俾我知。

但 究竟增值幾多先叫高？用咩基數先計 到？我唔知，我諗釘戶都唔知，因為佢日日做生意，對全街坊街里，算係服務社區，你要食，我要食，大家幫大家搵餐晏，互惠互利。如果每個人都係大財團，咁梗 係個個幾十萬上落先叫好景啦，但係點解個標準會將每個人當成「藍籌」咁估值，一個人食幾多搵幾多，就好似每年冇一成增長，就係冇貢獻？咁我地由細到大讀咁 多書又要我地愛國愛港又話安定先可以安居樂業，唔通想保住自己捱左幾十年先得到的住所想先安內後攘外就係犯法？咁複雜的邏輯都可以自圓其說，難怪報紙要日 講夜講，等我地 adopt。

香港官塘深水埔灣仔重建戶出晒名；台灣有樂生院寶藏巖國際知名，但係香港最勁一招就係有土收，即係，政府要你搬，點都係政府啱，逾時都未走，就搵法庭告、搵警察抬。一轉威迫之後，就連應該在遷出時俾的「賠償」都拖你幾年，以唔俾錢你買到樓為懲罰。中大而家有 Law School，同學不妨睇睇呢種法令實際上益緊咩人；而咁情況下的客觀中立應如何自處。睇報紙，你會睇到一如任何傳媒都對世事先設了一個等睇戲的態度，話係客觀中立，好似唔係佢地講，咁讀者自己就唔識客觀咁。

所以今次講釘子戶就明顯有心針對香港、台灣都不斷發生的重建問題，國內拆遷為奧運亦在這五年間火速推倒，務求把所有地方都可變成 manhattan 或者 newyork。唔通外商去到中國香港見到d野個樣似外國會找到「家鄉」風情？會令外商放膽投資？

咁史上最牛釘子戶又點？

個 體戶在大陸，這不打算理會私有權的地 方，即使有了物權法，都唔望佢會正確執行，可想而知在故仔主角有幾堅。重慶釘戶是食店個體戶，正當生意，安居養家，兩公婆一住幾十年，生意都做左好多年。 一個唔該發展商睇準地皮處「輕軌站」附近的，即如香港的地鐵站，地價貴左，「就應該做高增值產業」所以窮人就唔該行開，唔好阻住人地拎幾十億攪「高增 值」。

政 治我唔分析，凈講主角現時處境都威到 震，屋企出面日日有工人開工，日日挖地基，而家佢地已經被挖成重慶的一個孤島。發展商為迫遷，由呃呃氹氹收樓，到咁上下就開始挖土動工前後只係幾個月，市 政府當然坐視等睇戲。但係恐怖就恐怖在個釘戶唔驚，照住，死都唔出來。兩公婆守在屋裡，就係睇佢夠唔夠膽拆過去，仲日日掛出大 banner，向來自各地聲援的其他重建朋友結連，也向著輕軌站上的人講發生緊咩事，有策略有溝通有支援，點睇都係太浪漫。

其實大家如果有睇港產片「怪物」睇過林嘉欣就知，其實寮屋都可以幾好住，自己打造的私家house 仲有露台食飯。睇落去就知，香港當年都發生過居民未走就拆屋有幾恐怖，因為有意無意都隨時爆石油氣，隨時攪出人命。而家重慶仲將釘戶屋外的土地挖成四層樓深的坑，實行迫佢冇水冇電自行投降之後賠都慳返…

呢類報導在香港或許只為助慶，不是幫這邊罵那邊就是兩邊都鬧，把世界描述到得返ａ或ｂ，好讓我們認定事情只有ａ人民對政府錯，又或者ｂ政府對人民錯。最後我們依然由細睇到大依然感謝報紙替我們把與世界變簡單。

要睇成個故仔攪咩，不如睇睇我在重庆九龙坡查访最牛钉子户事件